Үйлчилгээний нөхцөл
Ухаалаг Худаг үйлчилгээг сонгосон Танд баярлалаа. Энэхүү нөхцөл нь Эйч Ти Эл ХХК (цаашид "Үйлчилгээ үзүүлэгч")-ийн waterkiosk.mn вэб сайт, харилцагчийн портал, сэлбэгийн дэлгүүр, тусламжийн тикет, SKM систем болон эдгээртэй холбоотой үйлчилгээ (цаашид "Үйлчилгээ")-г ашиглахад мөрдөнө.
Та Үйлчилгээг ашигласнаар энэхүү нөхцөлтэй танилцаж, хүлээн зөвшөөрсөнд тооцно. Хэрэв Та нөхцөлийг зөвшөөрөхгүй бол Үйлчилгээг ашиглахаас татгалзах бүрэн эрхтэй.
Ухаалаг худаг нийлүүлэх, суурилуулах, лиценз болон засвар үйлчилгээний харилцааг талуудын хооронд байгуулсан гэрээгээр зохицуулна. Гэрээ энэхүү нөхцөлөөс өөрөөр заасан бол гэрээг баримтална.
1. Нөхцөлд нэмэлт, өөрчлөлт оруулах
Үйлчилгээ хөгжих, холбогдох хууль тогтоомж өөрчлөгдөхөд энэхүү нөхцөлийг шинэчилж болно. Өөрчлөлтийг мөрдөж эхлэхээс 30-аас доошгүй хоногийн өмнө waterkiosk.mn вэб сайт болон харилцагчийн порталаар мэдэгдэнэ. Өөрчлөлт хүчин төгөлдөр болсны дараа Үйлчилгээг үргэлжлүүлэн ашиглавал шинэчилсэн нөхцөлийг хүлээн зөвшөөрсөнд тооцно.
2. Бүртгэл
Харилцагчийн порталд байгууллагын нэр, регистрийн дугаар, холбогдох хүний нэр, утас, и-мэйл хаягаар бүртгүүлнэ. Гэрээт харилцагчийн бүртгэлийг Үйлчилгээ үзүүлэгч үүсгэж, нэвтрэх эрхийг и-мэйлээр илгээж болно.
Та бүртгэлийн мэдээллээ үнэн зөв, бүрэн оруулах үүрэгтэй. Мэдээлэл худал, дутуу эсвэл эргэлзээтэй бол Үйлчилгээ үзүүлэгч бүртгэлийг баталгаажуулахгүй, нэвтрэх эрхийг хязгаарлах эсвэл түдгэлзүүлэх эрхтэй.
Байгууллагын нэрийн өмнөөс бүртгүүлж буй хүн тухайн байгууллагыг төлөөлөх эрхтэй байх ёстой.
3. Захиалга, үнэ, төлбөр
- Сэлбэг, бараа, үйлчилгээний үнийг төгрөгөөр (₮) илэрхийлнэ. Үнэд НӨАТ орсон эсэхийг үнийн санал, нэхэмжлэхэд тусгана.
- Төлбөрийг QPay (банкны апп, QR код) эсвэл нэхэмжлэхийн дагуу дансаар шилжүүлж төлнө. Захиалга төлбөр бүрэн төлөгдсөний дараа баталгаажна.
- Төлбөр бүрийн НӨАТ-ын баримтыг (И-баримт) хуулийн дагуу үүсгэж, харилцагчийн портал болон и-мэйлээр хүргүүлнэ.
- Үйлчилгээ үзүүлэгч картын мэдээлэл хадгалахгүй. Картын болон банкны гүйлгээг QPay болон харилцагчийн банк гүйцэтгэнэ.
- Лиценз, засвар үйлчилгээний давтамжит төлбөрийг гэрээнд заасан хугацаанд төлнө. Хугацаа хэтэрсэн тохиолдолд гэрээнд заасан хариуцлага хүлээлгэж, үйлчилгээг түр зогсоож болно.
4. Хүргэлт, буцаалт
- Хүргэлтийн хугацаа, төлбөрийг захиалга баталгаажуулахад мэдэгдэнэ. Орон нутагт хүргэх хугацаа тээврийн нөхцөлөөс хамаарна.
- Барааг хүлээн авахдаа тоо, бүрэн бүтэн байдлыг шалгана уу. Гэмтэлтэй, буруу бараа ирсэн бол хүлээн авснаас хойш ажлын 3 хоногт мэдэгдэнэ.
- Үйлдвэрийн гэмтэлтэй барааг Хэрэглэгчийн эрхийг хамгаалах тухай хуулийн дагуу солих, засварлах эсвэл төлбөрийг буцаана. Буруу ашигласан, суурилуулсан эсвэл зөвшөөрөлгүй өөрчлөлт хийсэн барааг буцаахгүй.
5. Тусламж, засвар үйлчилгээ
Тусламжийн хүсэлтийг харилцагчийн порталаас тикет нээх, и-мэйл эсвэл утсаар гаргана. Хариу өгөх, шийдвэрлэх хугацааг гэрээ болон засвар үйлчилгээний түвшинд (SLA) заасны дагуу мөрдөнө. Ердийн ажлын цаг: Даваа–Баасан 09:00–18:00.
6. Нууцлал, аюулгүй байдал
Та нэвтрэх нэр, нууц үгийнхээ аюулгүй байдлыг хангах үүрэгтэй. Нууц үг алдагдсан гэж сэжиглэвэл нэн даруй сольж, Үйлчилгээ үзүүлэгчид мэдэгдэнэ үү.
Хувийн мэдээллийг Нууцлалын бодлого болон Хүний хувийн нууцыг хамгаалах тухай хуулийн дагуу боловсруулна.
7. Маргаан шийдвэрлэх
- Алхам 1. Төлбөр, захиалга, үйлчилгээтэй холбоотой гомдлоо тухайн үйлдэл хийгдсэнээс хойш ажлын 3 хоногийн дотор доорх и-мэйл, утсаар эсвэл порталаас тикет нээж гаргана.
- Алхам 2. Техникийн асуудлыг тусламжийн инженертэй шууд холбож шийдвэрлэнэ. Төлбөрийн гүйлгээний саатал, алдааг QPay болон холбогдох банктай хамтран Монголбанкны төлбөрийн системийн журмын дагуу шийдвэрлэнэ.
- Алхам 3. Талууд харилцан тохиролцож чадаагүй маргааныг Монгол Улсын хууль тогтоомжийн дагуу шүүхээр шийдвэрлүүлнэ.
8. Хариуцлага
- Нэвтрэх нэр, нууц үгээ алдсан, бусдад дамжуулснаас үүссэн хохирлыг Үйлчилгээ үзүүлэгч хариуцахгүй.
- Харилцагч мэдээллээ буруу, алдаатай оруулснаас үүссэн хохирлыг Үйлчилгээ үзүүлэгч хариуцахгүй.
- Үйлчилгээ үзүүлэгч нь харилцагчийн мэдээллийн нууцлал, программ хангамж, сүлжээний найдвартай, тасралтгүй ажиллагааг хангахын тулд зохих арга хэмжээ авна.
- Талуудын хүсэл зоригоос үл хамаарах давагдашгүй хүчин зүйл (байгалийн гамшиг, төрийн эрх бүхий байгууллагын шийдвэр, хорио цээр, гоц халдварт өвчин, ажил хаялт, үймээн самуун, дайн, террорист халдлага, улс орныг хамарсан түлш, эрчим хүчний хязгаарлалт, нийтийг хамарсан холбооны сүлжээний доголдол зэрэг)-ийн улмаас үүргээ биелүүлээгүй бол хариуцлага хүлээхгүй.
9. Оюуны өмч
Ухаалаг Худаг нэр, лого, вэб сайт, портал, SKM систем болон худгийн программ хангамжийн агуулга, дизайн, код нь Эйч Ти Эл ХХК-ийн оюуны өмч бөгөөд хуулиар хамгаалагдсан. Тэдгээрийг бүхэлд нь эсвэл хэсэгчлэн хуулбарлах, урвуу инженерчлэл хийх, задлах, өөрчлөх, зөвшөөрөлгүй ашиглахыг хориглоно.
10. Хамаарах хууль
Энэхүү нөхцөлийг Монгол Улсын Иргэний хууль, Хэрэглэгчийн эрхийг хамгаалах тухай хууль, Хүний хувийн нууцыг хамгаалах тухай хууль болон бусад холбогдох хууль тогтоомжийн дагуу тайлбарлаж, хэрэглэнэ.
Бидэнтэй холбоо барих
- Эйч Ти Эл ХХК: Улаанбаатар хот
- +976 8009-9200 · info@waterkiosk.mn